மகளிர் தினக்கவிதை

 பெண்ணே நீ

அடுப்படியில் வேலை அனைத்தும் செய்வாய்

அலுவலகத்திலும் உயர் பதவி வகுத்திடுவாய்

அழகழகாய் வாசலில் கோலம் போடுவாய்

அண்ட வான் வெளியிலும் பறந்திடுவாய்

அரிசி உலையை வீட்டில் பார்ப்பாய்

அணு உலையையும் ஆராய்ச்சி பண்ணிடுவாய்

ஆக்கமாக குடும்பத்தில் சந்ததி பெருக்குவாய்

ஆசிரியராக பள்ளியில் அறிவையும் வளர்த்திடிவாய்

அன்னையாக அரவணைத்துப் பேணுவாய்

ஆட்சியராக ஆளுமையும் செய்துடுவாய்

ஆலமர விழுதுகளாக இல்லத்தைத் தாங்குவாய்

ஆளுநராக அரசியலிலும் சாதனை படைத்திடுவாய்

அன்பை அருவியாகப் பொழிவாய்

ஆவேசமும் தக்க நேரம் அனலாய் கொட்டிடுவாய்

அடுக்கடுக்காய் எத்தனை வேலை இருந்தாலும்

அசராமல் எல்லாம் செய்து முடிப்பாய்

அஷ்டாவதானியாய் உன் ஆற்றல்கள் அபாரம்

அனைத்து உள்ளங்களிலும் இல்லங்களிலும் நீ

அத்தனை மகிழ்ச்சித் தருணங்களிலும் நீ-  நீ இன்றி

ஆக்கம், ஊக்கம், பிறவி என்று

அகில உலகிலும்அண்ட சராசரத்திலும்

எதுவுமே இல்லை- 

நீ இன்றிஅமையாது இன்ப இல்லமும் அதைத் தாங்கும் உலகமும்- 

நீ ஆரோக்கியம் பேணி உடல் நலம் காத்து பூவுலகில் 

அமைதி என்றும் நிலவச் செய்து மென்மேலும் சாதனை செய்து 

,ஆனந்த வாழ்வு கொண்டு,  வாழ்க, வளர்க  பெண்ணே நீ!

ரமா & முத்துக்குமார்